VILLARES E CARAMÉS ENTREGARON OS DIPLOMAS A 19 RAPACES E RAPAZAS QUE PARTICIPARON NA SEGUNDA EDICIÓN DO PROGRAMA AVÍVATE EN CERVO

• Entre as actividades desta iniciativa xove destacan un curso de monitor de tempo libre, un de manipulador de alimentos e outro de primeiros auxilios
• Villares precisou que se trata dun reforzo para o seu currículo formativo “que lles permite adquirir novas competencias para enfrontarse a un mercado laboral cada vez máis competitivo”

O alcalde de Cervo, Alfonso Villares, e a edil de Xuventude, Dolores García Caramés, entregaron os diplomas da segunda edición do programa Avívate en Cervo, na que participaron 19 mozos e mozas do municipio, de entre 18 e 30 anos.

A iniciativa, que era de balde, tivo como actividades principais un curso de monitor de tempo libre, un curso de manipulador de alimentos e un terceiro de primeiros auxilios.

O alcalde de Cervo, Alfonso Villares, apuntou a gran acollida que están a ter estes programas entre a mocidade que son un reforzo para o seu currículo formativo “que lles permiten adquirir novas competencias para enfrontarse a un mercado laboral cada vez máis competitivo, mellorando, polo tanto, a súa empregabilidade”.