Durante estas xornadas, as instalacións cervenses convertéronse no epicentro do waterpolo base galego, nun encontro marcado pola deportividade, a convivencia e a ilusión dos máis pequenos por este deporte.
O Concello de Cervo destaca o gran ambiente vivido durante a fin de semana na piscina municipal de Lieiro, onde se disputou o Campionato Galego Alevín Mixto de Verán de Waterpolo, unha cita deportiva que congregou a máis de 100 nenos e nenas chegados de diferentes clubs galegos.
Durante estas xornadas, as instalacións cervenses convertéronse no epicentro do waterpolo base galego, nun encontro marcado pola deportividade, a convivencia e a ilusión dos máis pequenos por este deporte.
O campionato rematou coa vitoria do CW Santiago A, seguido do RCN de Vigo A na segunda posición e o CW As Mariñas no terceiro posto. A cuarta praza foi para o Club Waterpolo Rías Altas.
Na entrega de medallas e recoñecementos participaron a alcaldesa de Cervo, Dolores García Caramés; o concelleiro de Deportes, David Rodríguez; e o edil de Emprendemento, Adrián Arias, xunto ao presidente da Federación Galega de Natación, Juan Carlos Carroa Brión.
Desde o Concello de Cervo queren agradecer á Federación Galega de Natación, aos clubs participantes, ao persoal técnico, ás familias e a todas as persoas implicadas na organización o seu traballo e colaboración para facer posible esta competición.
A alcaldesa destacou “a importancia de que Cervo siga acollendo eventos deportivos deste nivel, que non só fomentan hábitos saudables e valores entre a mocidade, senón que tamén xeran convivencia e dinamizan o noso municipio”.
O Concello reafirma así o seu compromiso co deporte base e coa promoción das súas instalacións como espazos para acoller competicións e actividades que poñen en valor o talento deportivo galego.
A alcaldesa destacou o interese e a participación dos escolares durante toda a visita. “Foi moi gratificante compartir este tempo cos nenos e nenas do CEIP de Cervo, que demostraron unha enorme curiosidade e moitas ganas de aprender como funciona o seu Concello e o traballo que realizamos para mellorar o día a día dos veciños”, sinalou García Caramés.
A alcaldesa de Cervo, Dolores García Caramés, recibiu este martes no Salón de Plenos do Concello ao alumnado de 4º e 5º de Educación Primaria do CEIP de Cervo, nunha visita promovida polo propio centro educativo co obxectivo de que os nenos e nenas coñecesen de primeira man o funcionamento da administración local.
Durante o encontro, o alumnado amosou unha grande curiosidade polo traballo que se desenvolve no Concello, formulando numerosas preguntas sobre os servizos municipais, as funcións da alcaldía e o proceso de toma de decisións na administración máis próxima á cidadanía.
A alcaldesa destacou o interese e a participación dos escolares durante toda a visita. “Foi moi gratificante compartir este tempo cos nenos e nenas do CEIP de Cervo, que demostraron unha enorme curiosidade e moitas ganas de aprender como funciona o seu Concello e o traballo que realizamos para mellorar o día a día dos veciños”, sinalou García Caramés.
A continuación, os estudantes celebraron unha sesión da Asemblea Escolar “Somos Cervo”, unha iniciativa impulsada polo centro educativo que busca fomentar a participación activa e democrática do alumnado na vida escolar.
Neste marco, os representantes trasladaron á alcaldesa diferentes propostas de mellora para o colexio. A rexedora explicoulles que estas peticións poderán ser presentadas polos cauces administrativos correspondentes, co fin de que coñezan tamén de primeira man como se tramitan as solicitudes e propostas ante a administración.
“É importante que os máis novos comprendan non só como funciona un Concello, senón tamén como se poden canalizar as súas ideas e inquedanzas para contribuír á mellora da súa contorna”, apuntou a alcaldesa.
A alcaldesa valorou moi positivamente as propostas formuladas polos representantes da Asemblea Escolar destacando a súa creatividade, responsabilidade e compromiso coa mellora do centro educativo. “É moi satisfactorio comprobar que os máis novos se implican activamente na procura de solucións e na construción dun colexio e dun municipio mellores. As súas achegas son moi valiosas e demostran que teñen unha visión moi clara das necesidades e oportunidades da súa contorna”, sinalou García Caramés.
Desde o Concello de Cervo agradeceron ao CEIP de Cervo esta iniciativa, que contribúe a fortalecer os valores democráticos e o coñecemento da administración pública entre as novas xeracións.
A rexedora puxo en valor o labor que desenvolve Airiños do Xunco na dinamización social e cultural da parroquia e do conxunto do municipio.
O Concello de Cervo será o escenario da XVII Exaltación da Carne de Porco, unha cita xa consolidada no calendario festivo e gastronómico do municipio que se celebrará o vindeiro sábado 20 de xuño da man da Asociación Cultural Airiños do Xunco.
No acto de presentación participaron a alcaldesa de Cervo, Dolores García Caramés, e os concelleiros Adrián Arias e Alfredo Fernández, xunto a membros de Airiños do Xunco, na propia Praza do Souto, que será o escenario da cita.
A rexedora puxo en valor o labor que desenvolve Airiños do Xunco na dinamización social e cultural da parroquia e do conxunto do municipio.
“É de xustiza recoñecer o enorme traballo que realiza Airiños do Xunco ao longo de todo o ano. Grazas ao compromiso das persoas que forman parte desta asociación, Cervo conta con actividades que contribúen a manter vivas as nosas tradicións, a fortalecer os lazos entre xeracións e a dinamizar a vida social da localidade, neste caso arredor un dos produtos máis representativos da nosa gastronomía popular”, destacou a alcaldesa que agradeceu “a implicación da entidade organizadora e de todas as persoas colaboradoras que fan posible a celebración deste evento”.
A programación arrincará ás 12.00 horas cunha degustación de tapas elaboradas a base de carne de porco nos diferentes establecementos colaboradores. Así, na Sacabeira serviranse albóndegas e orella con pementón; no Almacén ofrecerán ensalada de andares selectos e fígado; e no Caseto de Copa poderanse degustar guiso de costela e chourizo ó inferno.
Xa pola tarde, ás 20.00 horas, celebrarase a tradicional Exaltación da Costela de Porco, cunha ración composta por costela, chourizo, pan e viño por un prezo de 7 euros. Ademais, a organización anunciou que haberá diferentes sorteos ao longo da xornada.
A festa culminará ás 22.00 horas coa celebración do Guateque de Arruguiñas, amenizado polo Dúo Eclipse.
A XVII Exaltación da Carne de Porco está organizada pola Asociación Cultural Airiños do Xunco e conta coa colaboración do Concello de Cervo.
A inauguración contou coa presenza da alcaldesa de Cervo, Dolores García Caramés; da concelleira de Medio Ambiente, Mali Méndez, do coordinador institucional de ABANCA en Lugo, Carlos Teijeiro Pita; e da coordinadora institucional de Afundación en Ourense e Lugo, Beatriz Fernández-Anguiano, aos que se sumaron representantes da comunidade educativa e veciñanza e asociacións do municipio.
A Casa da Cultura de Cervo acolle desde hoxe a exposición «Arte e humor. O enxeño de Antonio Mingote», unha destacada mostra promovida por ABANCA e Afundación no marco do programa Corrente cultural, que achega propostas artísticas e culturais de relevancia ás vilas galegas.
A inauguración contou coa presenza da alcaldesa de Cervo, Dolores García Caramés; da concelleira de Medio Ambiente, Mali Méndez, do coordinador institucional de ABANCA en Lugo, Carlos Teijeiro Pita; e da coordinadora institucional de Afundación en Ourense e Lugo, Beatriz Fernández-Anguiano, aos que se sumaron representantes da comunidade educativa e veciñanza e asociacións do municipio.
Durante a súa intervención, a rexedora agradeceu a colaboración de ABANCA e Afundación por facer posible a chegada desta mostra a Cervo, destacando a importancia de establecer alianzas que permitan achegar a cultura de calidade á cidadanía.
Dolores García Caramés tivo tamén palabras de agradecemento para Carlos Teijeiro e Beatriz Fernández-Anguiano pola súa implicación e pola confianza depositada no municipio para acoller esta exposición dedicada a unha das figuras máis relevantes do humor gráfico español.
A alcaldesa quixo destacar ademais a participación do alumnado de 1º da ESO do IES Marqués de Sargadelos e do seu profesorado, agradecéndolles que aceptasen o convite para asistir á inauguración. Neste sentido, subliñou o valor de achegar a arte e a cultura ás novas xeracións, fomentando a reflexión, a creatividade e o pensamento crítico a través de iniciativas coma esta; ademais de agradecer tamén a presenza da asociación Saúde Mental A Mariña, sempre participativa nas iniciativas culturais do municipio.
A exposición reúne unha selección de debuxos, viñetas e reflexións visuais de Antonio Mingote, creador dunha extensa obra marcada pola ironía, a elegancia e unha aguda mirada sobre a sociedade do seu tempo. A mostra permite percorrer diferentes etapas da súa traxectoria artística e descubrir a vixencia das súas mensaxes.
Desde o Concello de Cervo reafirmaron o seu compromiso coa promoción cultural e coa dinamización dos espazos públicos como lugares de encontro e aprendizaxe, continuando a traballar para ofrecer á veciñanza unha programación diversa e accesible.
A exposición poderá visitarse na Sala de Exposicións da Casa da Cultura ata o próximo 10 de xullo.
A competición foi presentada este mediodía pola alcaldesa de Cervo, Dolores García Caramés, e polo presidente da Federación Galega de Natación, Juan Carlos Brión, quen destacaron a importancia deste evento deportivo tanto para a promoción do deporte base como para a dinamización do municipio.
A Piscina Municipal de Lieiro converterase esta fin de semana no epicentro do wáter-polo galego coa celebración do Campionato Galego Alevín-Benxamín Mixto de Verán, que reunirá en Cervo a preto dun cento de deportistas procedentes de diferentes puntos de Galicia.
A competición foi presentada este mediodía pola alcaldesa de Cervo, Dolores García Caramés, e polo presidente da Federación Galega de Natación, Juan Carlos Brión, quen destacaron a importancia deste evento deportivo tanto para a promoción do deporte base como para a dinamización do municipio.
A categoría Alevín disputarase os días 6 e 7 de xuño. O sábado os encontros comezarán ás 11:00 horas pola mañá e ás 16:00 horas pola tarde, mentres que o domingo arrancarán ás 10:30 horas e continuarán ás 15:30 horas. O sistema de competición desenvolverase en formato de liguiña, cuartos de final, semifinais e finais.
Participarán os equipos do CW Santiago Masculino, CW Santiago Feminino, RCN de Vigo A, RCN de Vigo B, CW As Mariñas, CW Lugo, C Marina Ferrol e CW Coruña Rías Altas.
Pola súa banda, a categoría Benxamín xogará os seus encontros o sábado ás 12:30 e ás 18:15 horas, nun formato de liga, coa participación do RCN de Vigo e do combinado CW As Mariñas/CW Santiago.
Durante a presentación, a alcaldesa agradeceu á Federación Galega de Natación a confianza depositada unha vez máis no municipio para acoller unha competición autonómica destas características.
Dolores García Caramés puxo en valor as instalacións deportivas municipais, especialmente a Piscina de Lieiro neste caso “que conta cunhas condicións excelentes para albergar eventos desta relevancia e para seguir fomentando a práctica deportiva entre os máis novos”.
A rexedora destacou tamén a importancia deste campionato para a promoción de Cervo como destino deportivo e turístico, e animou ás familias, deportistas e acompañantes que se desprazarán ata o municipio durante a fin de semana “a desfrutar da nosa contorna, da nosa gastronomía e de todos os atractivos que ofrece Cervo”.
Desde o Concello convidan á veciñanza e ás persoas visitantes a achegarse á Piscina Municipal de Lieiro para gozar dunha intensa fin de semana de deporte base e apoiar aos novos talentos do wáter-polo galego.
A alcaldesa destacou a importancia de implicar ás novas xeracións no coidado do medio ambiente: “É fundamental que os nenos e nenas comprendan desde pequenos que cada pequeno xesto conta á hora de protexer o noso entorno. Actividades como estas axudan a crear conciencia e a fomentar valores de respecto e responsabilidade cara á natureza”.
O Concello de Cervo conmemorou este venres o Día Mundial do Medio Ambiente cun amplo programa de actividades dirixidas ao alumnado dos centros educativos do municipio, co obxectivo de fomentar a concienciación ambiental e promover hábitos sostibles desde as idades máis temperás.
A xornada contou coa participación do alumnado de Educación Primaria do CEIP Península da Paz nunha actividade de limpeza da praia da Caosa, desenvolvida entre as 10:00 e as 12:00 horas. Esta iniciativa permitiu aos escolares coñecer de primeira man a importancia da conservación dos espazos naturais e da correcta xestión dos residuos.
Un dos momentos máis destacados da mañá produciuse durante a recollida de lixo na praia, cando os participantes localizaron unha corda de varios metros de lonxitude que permanecía soterrada na area. Grazas ao traballo conxunto do alumnado e dos acompañantes conseguiron extraela, sendo necesaria posteriormente a intervención do persoal municipal de Obras para cortala e retirala por completo. Un exemplo práctico que serviu para reflexionar sobre o impacto que determinados residuos poden ter nos ecosistemas costeiros.
Paralelamente, o alumnado de Educación Infantil deste centro participou en diferentes xogos e actividades didácticas relacionadas coa reciclaxe e a separación selectiva de residuos, organizadas en colaboración con Sogama.
No CEIP de Cervo, as actividades continuaron a partir das 12:30 horas cunha charla divulgativa adaptada ao alumnado de Infantil e cunha proposta educativa centrada na identificación de árbores e especies da contorna do río Xunco, fomentando así o coñecemento e o respecto polo patrimonio natural máis próximo.
Como recordo desta xornada e para seguir promovendo a educación ambiental tamén no fogar, o Concello entregou a cada participante un exemplar do libro "Os Bolechas e que se fai co lixo que chega a Sogama", unha publicación que achega aos máis pequenos o proceso de tratamento dos residuos e a importancia da reciclaxe e da correcta separación do lixo a través dunha linguaxe próxima e divertida.
Nas distintas actividades estiveron presentes a alcaldesa de Cervo, Dolores García Caramés, e o concelleiro David Rodríguez, acompañando ao alumnado e participando nesta xornada de sensibilización ambiental.
A alcaldesa destacou a importancia de implicar ás novas xeracións no coidado do medio ambiente: “É fundamental que os nenos e nenas comprendan desde pequenos que cada pequeno xesto conta á hora de protexer o noso entorno. Actividades como estas axudan a crear conciencia e a fomentar valores de respecto e responsabilidade cara á natureza”.
A rexedora sinalou ademais que “a educación ambiental é unha ferramenta imprescindible para construír un futuro máis sostible, e por iso queremos complementar estas actividades cun agasallo educativo como o libro dos Bolechas, que lles permitirá seguir aprendendo sobre o medio ambiente dunha forma amena e adaptada á súa idade”.
García Caramés agradeceu tamén a colaboración dos centros educativos e de Sogama na organización da xornada. “A implicación da comunidade educativa é fundamental para o éxito destas iniciativas, que buscan formar cidadáns cada vez máis conscientes e comprometidos co seu entorno”.
O programa de conciliación familiar, enmarcado no programa Corresponsables en Cervo en colaboración coa Xunta de Galicia, está dirixido a nenos e nenas de entre 3 e 12 anos e desenvolverase do 22 de xuño ao 8 de setembro, ambos incluídos.
O prazo para presentar as solicitudes permanecerá aberto ata o 15 de xuño.
O Concello de Cervo pon en marcha este verán unha nova edición do programa “Cervo Concilia”, unha iniciativa consolidada que ten como principal obxectivo facilitar a conciliación da vida familiar e laboral durante o período de vacacións escolares.
O programa está destinado a crianzas de entre 3 e 12 anos e contará cun amplo calendario de actividades educativas, deportivas, culturais e de lecer, deseñadas para fomentar a aprendizaxe, a creatividade e a convivencia nun ambiente lúdico e participativo.
“Cervo Concilia” desenvolverase do 22 de xuño ao 8 de setembro, en horario de 8:30 a 14:30 horas. Ademais, as familias que precisen facer uso do servizo Cervo Madruga poderán deixar as crianzas entre as 7:30 e as 8:30 horas.
As inscricións poden realizarse na Casa da Cultura de San Ciprián e na Casa do Concello ata o vindeiro 15 de xuño.
A alcaldesa, Dolores García Caramés, destaca que “este programa constitúe unha ferramenta fundamental para moitas familias do municipio, xa que lles permite compatibilizar as obrigas laborais co coidado dos seus fillos e fillas durante os meses de verán. Ao mesmo tempo, ofrecemos ás crianzas unha proposta atractiva e variada de actividades que favorecen a diversión, a aprendizaxe e as relacións sociais”.
Mención especial para Jesús García Paderne, do Maderas Barcia Cervo que acadou unha magnífica medalla de prata en triathlon C, que inclúe salto de lonxitude, salto de altura e 80 metros vallas, un resultado extraordinario que confirma a súa progresión e o seu enorme potencial.
Orgullo cervense no Campionato de España Sub-14
Dende o Concello do Cervo queremos darlle os parabéns aos e ás atletas cervenses que levaron o nome do noso municipio ao máis alto nivel no Campionato de España Sub-14, demostrando talento, esforzo e compromiso.
Iván Baltar, Daniela de la Plaza e Iria Baltar, do Maderas Barcia Cervo volveron deixar patente o gran traballo que realizan día a día, competindo entre os mellores atletas do país.
Tamén queremos destacar a actuación de Aroa Eijo, do CLUB DEPORTIVO SAN CIPRIÁN que representou con orgullo ao noso concello nun campionato do máximo nivel.
Mención especial para Jesús García Paderne, do Maderas Barcia Cervo que acadou unha magnífica medalla de prata en triathlon C, que inclúe salto de lonxitude, salto de altura e 80 metros vallas, un resultado extraordinario que confirma a súa progresión e o seu enorme potencial.
Parabéns a todos e todas polos vosos incribles logros e tamén aos clubs Maderas Barcia Lourenzá e CD San Ciprián, así como ás familias, adestradores e persoas que vos acompañan neste camiño.
