• LUGAR: PLAZA DE "O SOUTO" CERVO
• FECHA : SÁBADO SIGUIENTE A EL 16 DE AGOSTO
   

 A Queimada Popular de Cervo foi declarada no 2001 Festa de Interese Turístico Galego". Nesta celebración faise unha representación teatral que cambia anualmente e que sempre ten o mesmo fío argumental: o trunfo do ben sobre o mal. A festa comeza pola noite, coa baixada dos actores dende as Escolas Vellas ata a praza, acompañados co son das gaitas que interpretan o Himno do Antigo Reino de Galicia e alumeados con potes de queimada e con fachos; na praza ten lugar un enfrontamento entre o ben (representado polo Bruxo) e o mal (representado por bruxas, meigas, demos e outros seres malignos do inferno) no que o baile e a música teñen un papel destacado. Este enfrontamento remata co esconxuro co que o bruxo espanta ao mal e co reparto gratuíto de centos de litros de queimada. 

   

Maruxaina é o nome da protagonista da lenda máis famosa desta vila; esta celebración, coa que se pretende manter viva a lenda, celébrase dende o 1985 e no 2002 foi declarada Festa de Interese Turístico Galego. A lenda conta que nos Farallóns vive un ser (metade peixe e metade muller) que ten por costume tocar o corno; algúns veciños pensan que o fai con boas intencións (avisar aos mariñeiros da proximidade dun temporal) e outros pensan que o fai con malos propósitos (para tolealos e que embarranquen nos Farallóns). A celebración comeza pola mañá, coa xuntanza de todos os veciños na praza da vila vestidos ao xeito dos mariñeiros antigos (eles con pantalón de mahón azul, camisa branca e boina; elas con saias longas, mandís, camisa e pano na cabeza, todo en cores de loito); percórrense as rúas da vila co son das gaitas e dos cornos; báixase á praia para xantar e pola tarde celébranse xogos populares; pola noite apáganse todas as luces da vila e báixase á praia, onde se espera a chegada da Maruxaina, que é traída dende os Farallóns nas chalanas e represéntase un xuízo no que os veciños deciden se queimala ou indultala; ano tras ano é indultada e para celebralo inicíase unha gran festa, na que se reparten litros e litros da queimada que se ofrece entre bailes e música na praza dos Campos.  

Máis información en www.amigosdamaruxaina.com