Novas
« Atrás

UNHA TRINTENA DE ESTUDANTES RECIBIU A AXUDA PARA GASTOS DE TRANSPORTE QUE OUTORGA CONCELLO DE CERVO

A contía é de 150 ou 250 euros por alumno/a en función da renda familiar

O alcalde de Cervo, Alfonso Villares, e a edil de Educación, Dolores García Caramés, entregaron este mediodía as axudas para transporte ao alumnado que cursa estudos fóra do termo municipal; sempre que se trate de formación ou titulacións que non se impartan en ningún centro do Concello.

En concreto foron 37 os estudantes que, nesta ocasión, recibiron un cheque de 150 ou 250 euros, en función da renda familiar.

Tal e como sinalou o rexedor, Alfonso Villares, “trátase dunha subvención financiada ao 100% con fondos municipais, e é unha forma de aportar o noso grao de area á formación e educación dos nosos mozos e mozas”.

O obxectivo non é outro que o de “brindar apoio ás familias, porque somos conscientes do gran esforzo económico que supón para moitas delas a educación dos seus fillos; e contribuír, así mesmo, a que exista igualdade de oportunidades”.

Entre os requisitos, por exemplo, téñense en conta os ingresos económicos da unidade familiar, que debe estar empadroada no Concello de Cervo; e o alumnado debe ser menor de 30 anos.

Ademais ten que cursar algunha destas titulacións fóra do municipio: ensinanzas universitarias, estudos musicais en conservatorios e escolas de música, Bacharelato (nalgunha das modalidades que non se imparten no Concello de Cervo), ou calquera das seguintes ensinanzas en grao medio ou superior, como son FP, ensinanzas profesionais de artes plásticas e deseño, ou deportivas.

 

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa