Publicador personalizado
« Atrás

O CONCELLO DE CERVO REORGANIZA AS ESCOLAS DEPORTIVAS MUNICIPAIS PARA ADAPTARSE ÁS NOVAS LIMITACIÓNS EN CANTO A NÚMERO DE ASISTENTES

As actividades de adultos continúan desenvolvéndose tanto na Casa do Mar de San Ciprián, como no Ecomuseo de Cervo, fixando un máximo de 5 persoas máis monitor/a por grupo

As Escolas Deportivas Infantís comezarán o vindeiro luns 2 de novembro seguindo a normativa actual e todas as medidas de prevención e seguridade

O Concello de Cervo reorganizou as actividades que se imparten nas Escolas Deportivas de Adultos para adaptarse ás novas limitación en canto ao número de persoas asistentes; fixado nun máximo de 5 persoas mais un monitor/a por grupo.

Así, tal e como explica o edil de Deportes, David Rodríguez, naquelas actividades nas que a inscrición superaba esa cota, “decidimos dividir o grupo en dous, axustando o número de sesións por semana”, unha redución no número de horas semanais –aclara- “que loxicamente se verá reflectida como corresponde nos recibos que se emitirán”.

Rodríguez avanza, do mesmo xeito, que as Escolas Deportivas Infantís, para as que temos aberta a inscrición nas actividades de multideporte, ximnasia rítmica e patinaxe artística, comezarán o próximo luns, 2 de novembro, “respectando sempre a normativa actual e todas as medidas de seguridade e prevención fronte á COVID-19”. De feito, ao longo desta semana desde o Concello de Cervo contactarase coas familias para informalas de todo o relativo ao arranque da nova tempada.

O responsable de Deportes precisou que estudamos con detalle a nova orde publicada no Documento Oficial de Galicia (DOG) que contempla novas restricións en canto ao aforo; e decidimos adaptar as nosas actividades á normativa; buscando a fórmula para que as persoas usuarias poidan seguir a practicar deporte, primando sempre a súa seguridade. Rodríguez explicou que cremos que “a actividade física é esencial para manter o corpo e a mente sans, e as novas limitacións en ningún caso prohiben poder impartir as nosas actividades, senón que simplemente as regulan en canto o número de persoas asistentes; polo que as Escolas Deportivas Municipais seguirán adiante, salvo cambios na normativa vixente.

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa