Publicador de contidos Publicador de contidos
« Atrás

O CONCELLO DE CERVO CONMEMORÁ O DÍA DA MULLER O SÁBADO 10 DE MARZO

Haberá un monólogo a cargo de Xan Veiga, unha cea con agasallos sorpresa para as asistentas e baile a cargo do dúo Epo-k

  • Os actos foron consensuados entre a delegación de Muller e Igualdade do Concello de Cervo e as diferentes asociacións de mulleres do municipio

A Casa do Mar de San Ciprián acolleu a presentación do programa do Día Internacional da Muller, que organizan o Concello de Cervo, a través da delegación de Muller e igualdade, e as diferentes asociacións de mulleres do municipio.

Os actos están programados para o sábado 10 de marzo.

O alcalde de Cervo, Alfonso Villares, asistiu á presentación da programación, na que tamén estivo presente a edil responsable do departamento, Pilar Armada; e representantes das diferentes asociacións de mulleres do municipio que colaboran: Asociación de Mulleres de San Ciprián, Amas de Casa “Alborada”, Mulleres Rurais “As Espalladoras” e Mulleres en Igualdade.

Armada recordou “que entre todas, conseguimos perfilar e consensuar un programa co que pretendemos chegar a todas as mulleres de Cervo, protagonistas de xeito simbólico este día, pero sempre presentes e participativas no día a día do noso municipio”.

Deste xeito, o Concello organiza un campionato de tute e parchís, que xa se está a xogar  neste mes de febreiro.

Ademais, o sábado 10 de marzo, ás 20:00 horas o monologuista Xan Veiga actuará na Casa do Mar, nun acto aberto a todo o púbico.

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa