NOVAS NOVAS
« Atrás

O CONCELLO DE CERVO ULTIMA UNS ORZAMENTOS PARA O ANO 2020 “PRUDENTES E RESPONSABLES” SUPEDITADO

O rexedor, Alfonso Villares, e a edil de Facenda, Dolores García Caramés, presentaron hoxe un avance das cifras globais que ascenden a 6.647.687,77 euros

O alcalde de Cervo, Alfonso Villares, e edil de Facenda, Dolores García Caramés, presentaron hoxe un avance dos orzamentos previstos para o este ano 2020 que se están ultimando, e que será aprobados no vindeiro pleno ordinario a finais deste mes de xaneiro.

O rexedor explicou que a partida para este exercicio ascenderá a 6.647.687,77 euros, “un orzamento prudente e responsable condicionado á situación de incerteza que atravesa Alcoa, e, consecuentemente, toda a comarca da Mariña, dada a inexistencia desas medidas urxentes e imprescindibles para garantir o presente e o futuro da nosa zona”.

Neste senso, as cifras que “avanzamos están cimentadas nos principios da eficiencia  da xestión do gasto público e reflicten a aposta decida deste equipo de goberno pola estabilidade e a sustentabilidade financeira”, precisou.

O rexedor destacou o peso da partida destinada aos gastos de persoal, que abrangue case a metade das cifras globais -3.035.572,32 euros concretamente-, “e que é reflexo da aposta do Concello pola xestión directa da gran maioría dos servizos que ofrece á veciñanza, como pode ser, a modo de exemplo, o saneamento, a recollida de lixo, ou o abastecemento de auga; ademais do servizo da Escola Infantil ou da Piscina municipal, entre outros moitos”.

Pola súa banda, Caramés tamén quixo incidir na relevancia que teñen no orzamento as políticas de fomento do emprego “cuxo exemplo máis significativo son as bolsas de formación remunerada para a mocidade”, para o que se destinan 140.000 euros do orzamento municipal.

Seguimos, así mesmo, –engadiu- apostando pola dinamización e a activación social no noso municipio, ofrecendo axudas directas ás diferentes asociacións e clubs do municipio, e diriximos unha aportación importante a aqueles apartados que consideramos esenciais como son a educación –con axudas que volvemos dispoñer para o transporte do alumnado, para as familias, para os centros educativos e as ANPAS-, a cultura, o deporte –tanto para o mantemento das nosas instalacións como para axudas ás entidades-, os servizos sociais –cunha importante partida tanto para a súa xestión directa como para a colaboración con diferentes organizacións- ou mesmo o turismo, no noso municipio.

Villares precisou que estas contas manteñen as liñas que vimos marcando nestes anos baseadas “na aposta polo mantemento da calidade na prestación do servizos públicos”, pola vía da racionalización do gasto e do necesario cumprimento dos obxectivos de estabilidade orzamentaria.

 

    

Gastos

 

Ingresos.

 

A) OPERACIÓNS CORRENTES.

5.799.019,00 €

A) OPERACIÓNS CORRENTES.

6.583.535,51 €

I. GASTOS DE PERSOAL

3.035.572,32 €

1. IMPOSTOS DIRECTOS.

2.650.311,95 €

II. GASTOS BENS CORRENTES E SERV.

2.348.346,68 €

2. IMPOSTOS INDIRECTOS.

21.675,19 €

III. XUROS.

7.000,00 €

3. TAXAS E OUTROS INGRESOS

2.390.637,72 €

IV. TRANSFERENZAS CORRENTES.

318.100,00 €

4. TRANSFERENCIAS CORRIENTES

1.512.158,14 €

V. FONDO CONTINXENCIA

90.000,00 €

5. INGRESOS PATRIMONIAIS

8.752,51 €

B) OPERACIÓNS DE CAPITAL.

848.668,77 €

B) OPERACIÓNS DE CAPITAL

64.152,26 €

VI. INVESTIMENTOS REAIS.

582.507,07 €

6. ENAXENACIÓN INVERSIONS REAIS

0,00 €

VII. TRANSFERENZAS DE CAPITAL

0,00 €

7. TRANSFERENCIAS DE CAPITAL

64.152,26 €

VIII. ACTIVOS FINANCIEIROS

0,00 €

8. ACTIVOS FINANCIEIROS

0,00 €

IX.  PASIVOS FINANCIEIROS

266.161,70 €

9. PASIVOS FINANCIEROS

0,00 €

TOTAL

6.647.687,77 €

TOTAL

6.647.687,77 €

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa