NOVAS NOVAS
« Atrás

O CONCELLO DE CERVO NON COBRARÁ A TAXA DE LIXO A AQUELES NEGOCIOS QUE SE VIRON OBRIGADOS AO PEC

Tampouco se cobrará a taxa de terraza desde o 15 de marzo e ata que os locais afectados poidan normalizar a súa actividade

 

  • Ademais recordan que tanto para os establecementos como para a veciñanza en xeral se flexibilizará o pago dos  canons de todos os servizos municipais; terán ata catro meses para facelo e sen recargo

O Concello de Cervo condonará a taxa de lixo  a aqueles negocios que se viron obrigados ao peche a causa do COVID-19.

En concreto, tal e como explican, “non se cobrará este servizo, que o Concello xestiona directamente, desde o 15 de marzo e durante o tempo no que os establecementos se vexan obrigados a ter paralizada a súa actividade”.

Tal e como apuntan, durante a próxima semana poñeranse en contacto con todas aquelas persoas que xestionen estes negocios afectados para informalos das medidas, para avaliar con eles a situación e o plan de desescalada que acabamos de iniciar.   

A fin de aliviar a carga destes pequenos empresarios, outra das medidas que se adoptou –recordan- é a eliminación da taxa de terraza desde o 15 de marzo e ata que estes negocios poidan normalizar a súa actividade.

Tal e como explican desde o Concello, son medidas que poñemos en marcha a fin de contribuír a mitigar a carga que soportan neste momento estes pequenos empresarios do noso municipio, e que podemos asumir grazas á xestión pública da maioría dos servizos que se prestan.

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa