NOVAS NOVAS
« Atrás

O CONCELLO DE CERVO APOSTA POLA CONCILIACIÓN FAMILIAR ESTE VERÁN CUN COMPLETO PROGRAMA DE ACTIV

60 pequenos/as participan a diario nas actividades programadas, organizados/as en grupos burbulla a fin de garantir a seguridade, e dirixidos por un equipo humano formado por 10 monitores/as

 

O rexedor, Alfonso Villares, e a edil de Educación, Dolores García Caramés, compartiron un anaco cos pequenos/as durante unha das actividades que se desenvolveu no Parque Reina Sofía

 

O Concello de Cervo segue a apostar neste verán pola conciliación familiar a través dun completo programa de actividades lúdico-educativas enmarcada no programa bautizado como “Cervo Concilia”, que se desenvolverá ata o 8 de setembro, coincidindo co comezo do curso escolar, en horario de 9:00 a 14:30 horas.

60 pequenos/as de entre 3 e 12 anos participan cada día nesta iniciativa municipal de balde, organizados en grupos burbulla para garantir a seguridade, e dirixidos por un equipo humano conformado por 10 monitores/as.

O rexedor, Alfonso Villares, e a edil de Educación, compartiron un anaco cun dos grupos coincidindo cunha das actividades programadas ao aire libre no parque Reina Sofía, en San Ciprián , “unha tónica habitual nesta nova edición na que se priorizamos, sempre que o tempo o permite, as saídas ao exterior, en contacto coa natureza, ademais de promover actividades deportivas cunha importante aposta polas disciplinas individuais a raíz do COVID-19”.

Tal e como explicaron, o programa está a funcionar moi ben, “a pesar das dificultades engadidas pola situación sanitaria, que esixe uns estritos protocolos e unha loxística complexa, “redobramos esforzos e conseguimos o obxectivo de poder ofertar o servizo ao 100% das familias cervenses que quixeron participar”, engaden.

Para os vindeiros días o calendario de actividades contempla teatro, rutas de sendeirismo ou un escape room, e tamén celebrarán unha festa de disfraces, entre outras iniciativas.

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa